|
TLG 1232 001 :: 〈BUTHERUS〉 :: Fragmentum 〈BUTHERUS〉 Phil. Fragmentum Citation: Page — (line) | ||
59(3t) | Περὶ ἀριθμῶν | |
| 4 | Stob. 1.1 pr. 5 p. 18 Wa. (Mullach 2 p. 50) Βουθήρου Περὶ ἀριθμῶν. | |
|---|---|---|
| 5 | Ἀριθμὸς ἐκ μονάδων σύγκειται ... ὅπερ ἐστὶν ἀρχὴ τῶν ὄντων καὶ μέτρον καὶ ἀσύνθετον καὶ ἀγένητον καὶ ἀίδιον καὶ μόνον καὶ εἰλικρινές, ὃ χωρὶς τῶν ἄλλων ἐστὶ καὶ αὐτὸ καθ’ ἑαυτὸ καὶ ἀρχὴ καὶ πρώτη φύσις, καὶ μαθεῖν αὐτὸ μηδ’ ἄλλο διορισαμένους μόνον ἐστὶν εἰλικρινὲς αὑτὸ δηλοῦν. | |
| 10 | Ὁ περισσὸς τοῦ ἀρτίου τελεώτερός ἐστιν. ὁ μὲν γὰρ ἀρχὴν καὶ τέλος καὶ μέσον ἔχει, ὁ δὲ τοῦ μέσου στερεῖται. καὶ ὁ μέν, ὁπόταν γεννῶνται ἀνὰ λόγον καὶ πρὸς μονάδας, ταῖς αὑτοῦ χώραις καταλαμβάνει τοὺς ταῖς γραμμαῖς περιεχομένους· ὁ δ’ ἐν οἰκείᾳ μὲν γινόμενος οὐδέποτε περαίνεται, ὅταν δ’ ἐν περισσῇ γένηται, αὐτός τε πέρατος τυγχάνει | |
| 15 | καὶ τὴν πλευρὰν λόγον ἔχουσαν ἴσχει. Τὸ ἓν οὐσία καὶ φύσις καὶ νοῦς καὶ μήνυμα· ἀρχὴν γὰρ καὶ μέσον καὶ πέρας ἔχον ἐστί· καὶ τὰ ἄλλα δὲ τούτου μετείληφεν ἃ ἔστι καὶ νοεῖται τῇ τούτου φύσει ἕκαστον ἀπὸ τῶν ἄλλων εἰλικρινούμενον καὶ | |
| εἰκών τε καὶ εἴδωλα τοῦ ἑνὸς γιγνόμενα. | 59 | |